足動世盃： 玄來冠軍係巴西？

世界盃48場分組賽打完，各位球迷今早凌晨自然若有所失無所適從，不妨分析一下16強形勢，看哪一隊最後可以成為今屆世盃盟主，又或者參考一下各大玄學家 的意見，綜合名家意見原來最後大熱都是旺着黃色主場球衣的巴西，神射手則是巴西的尼馬與阿根廷的美斯之爭。
採訪：何永寧、比華利

 

區仲德【阿根廷勝】

冠軍選擇：我會貼阿根廷國家隊贏，因為佢哋走勢凌厲，五行屬土，今年係木火年，木係名譽，星火係貴人星，兩粒星照住阿根廷，佢哋會特別易出名，流年得利。
神射手選擇：都係阿根廷嘅美斯，佢球技有實力唔在講，又借助國家運氣，真係旺上加旺，我估佢會入6球。

 

司徒法正【巴西勝】

冠軍選擇：根據玄學角度，馬年天干地支，火太重，巴西氣候又熱，正好配合到火燒旺地，佢哋球衣係黃加綠色，綠色代表木，火燒木，殺傷力強。
神射手選擇：神射手我反而睇好阿根廷，因為佢哋球衣係白色同藍色直條紋，兩種顏色都代表水，藍色仲係海水，水可以冚熄啲火，我估美斯可以入到8球。

 

李丞責【德國勝】

神射手選擇：同一道理，神射手亦會係德國人湯馬士梅拿。
冠軍選擇：逢馬年德國嘅獅子（寅）均可上前三甲，好少有失。因此德國係穩陣隊。通常世盃穩陣則陣內多出神射手。巴西雖大熱，若上場球衣黃為土，土生金，所以選白色德國。

 

李星瑭【巴西勝】

神射手選擇：神射手球員，當然會揀番巴西球員，佢哋都好旺，尼馬個勢好旺，佢到𠵱家都入咗4球，仲有咁多場，我預測佢最少可以入到6球。
冠軍選擇：流年五運六氣，特別旺黃色，而巴西球衣正係黃色為主，佢哋又有主場之利，撞正天時地利人和。

 

 

 

陳定邦【巴西勝】

神射手選擇：巴西今年咁旺，所以神射手都係出自佢哋球隊，我睇好尼馬，估佢到尾可以入到9球。
冠軍選擇：我為世盃起咗支卦，今個月旺土，即係黃色最有利，好明顯巴西球衣正係呢個色，佢一定入到四強，仲會因主場之利成為終極冠軍。

 

林炳南【巴西勝】

神射手選擇：巴西球員尼馬，佢名中個「馬」字，帶住財帛星入南方，馬去南面，正值大旺，我貼佢可以入到8球。
冠軍選擇：決賽喺下月13日，當日六白星入西面，食住巴西主場之利，呢粒係吉星嚟，巴西正好當時得令。

識睇　一定睇蘋果嘅足動世盃：












http://worldcup2014.appledaily.com/